KJAR, weke pergala konfederal a demokratîk a jinên rojhilatê kurdistanê û Îranê û rêxistina wan a sîwan, hewil dide azadiya civakê bi rêya azadiya jinan pêk bîne. Hewil dide ku ser bingeha paradîgmaya demokratîk, ekolojîk û azadiya jinan, bi têkoşîna li hemberî hemû zihniyet û dezgehên desthilatdar, dewletgir û cinsiyetperest, pergala azadiya jinan damezrîne û berfireh bike. Hewil dide ku di her derê de bi awayek xwecîhî civakeke nû li ser bingeha netewa demokratîk ava bike û di qadên siyasî, civakî, aborî, ekolojî, hiquq, exlaq-bedewînasî, dîplomasî, çand û xweparêziyê de pergala xwe ya konfederalîzma demokratîk ava bike. KJAR pêşengtî ji civakîkirina bîrdoziya azadiya jinan re dike û bi nasnameya “jina azad” pêşengtî ji civakîkirina bîrdoziya azadiya jinan re dike. Armanca KJARê ewe ku li ser bingeha têgihiştina netewa demokratîk yekîtiya netewî ya jinên Rojhilatê Kurdistanê pêk bîne û bi rêxistin û kesayetên dijberê kapîtalîzm, faşîzm û deshilatdariyê re peymanan girê bide da ku li hemberî deshilatdariya mêrsalarane û modernîteya kapîtalîst ku îfadeya wê ya şênber e, têkoşîneke hevbeş bikin û bi wî awayî yekîtî, hevgirtin û hevbeşiya jinan pêk bînin.