ڕووگەش جوانڕۆ ئەندامی یەکێتی ژنانی ڕۆژهەڵاتی کوردستان

بە گشتی لە درێژای مێژوودا تا ئێستا گەنجان خاوەن ڕۆڵ و ئیرادە بوونە، هەمیشە وەك هێز و توانای زۆر لەناو کۆمەڵگادا لە هەموو کات و شوێنێکدا ناسراون، ئەگەر بگەڕێینەوە بۆ مێژوو دەبینین کە گەنجان لە سەردەمی کلان و قەبیلەکاندا ئەرکی پاراستنی نرخ و پێوانەکانی ئەخلاقی ئەم کلان و قەبیلانەیان لەسەر شان بووە، هەمیشە ئەرك و ڕۆڵی گرنگی بینیوە، ئەم شێوازە تا وەکو ئاوابوونی زیهنیەتی پیاوسالاری و دەسەڵاتداری بەردەوامی کرد.

کاتێك کە دەوڵەت ئاوابوو، بۆ ئەوەی دەسەڵات و هێزی خۆی بەردەوام و بەهێزتر بکات گەنجانی وەك و کەرەستە بەکارهێنا، چونکە دەیزانی کە ئەگەر ئیرادە و هێزی جوان بگرێتە دەست و کۆنتڕۆڵی بکات دەتوانێت بە گشتی کۆمەڵگا بخاتە ژێردەستی خۆی و زیهنیەتەکەی و وە هەموو هیواو ئاواتەکانی بێتە دی، واتە کۆمەڵگاێکی کۆیلە کە بندەستی سەردەستەکانە درووست بکات و بەم شێوەییە ژیان بکات،  بۆییە لەسەر ئەم بنگەییە دەوڵەت گەنجانی وەكو هێزێکی بێ ئیرادەو بێ ئەزموون بە کۆمەڵگا دەناسێنێت، کە دەبێت بێگومان  لەسەر گەنجان بەڕێوەبەری بکەن، بەتایبەت کارێك کە ئەنجامی ئەدەن گەنجان لە ناوەندی سیاسەت و بەرێوەبردنی کۆمەڵگا دوور دەخاتەوەو، بەگشتی گەنجان لەکاری سیاسەت بێتاقەت دەکەن، تاڕادەێك کە گەنجان، سیاسەت بە بابەتێكی دژ بە گەل بەتایبەت گەنجان دەزانن، بیر دەکانەوە کە دەبێت هەمیشە لێی دوور بن.

هەروەها دەوڵەت لە بواری ئابوریدا گەنجانی بێ چارە و بێ هێز کردووە، بۆ پێکهێنانی پێویستەیەکانی ژیان موحتاجی خۆی دەکات، دەوڵەت زۆربەی هێز و سیاسەتی خۆی لەسەر گەنجان و کۆیلە کردن و هێز و تواناییان دادەڕێژێت تا بتوانێت تەمەنی دەسەڵاتی خۆی درێژ بکات. ئەم شێوازەی سیاسەتی دەوڵەت لەسەر گەنجان وە بە گشتی کۆمەڵگا نزیکەی بە ٥٠٠٠ ساڵە بەردەوامە، تا ئێستاش گەنجان یەکەم نێچیری دەوڵەت بوونە بۆ پێکهێنانی بەرژەوەندەکانیان.

دەبینین ئەمڕۆ لە تەواوی دونیادا وە بە تایبەت لە ئێرانیشدا بە شێوازی جیا جیا لە ڕێگەی شەڕی تایبەتەوە وەکو: چاندی و کلتوری، ئەخلاقی، کۆمەڵایەتی، ئابووری بە هەزاران شێوازی ترەوە بەڕێوەدەبات، تا گەنجان لە ناسنامە و شوناسی خۆی دووربخاتەوە و لەسەر ڕێباز و شێوازی دەوڵەتەوە جموجۆڵ بکان.

دەوڵەتەکان بە تایبەت دەوڵەتی ئێران زۆرتر لەسەر ژن وە بەتایبەت ژنانی گەنج هێرش و زۆریان  لەسەر دەکات، دەیهەوێت بیان کات بە کۆیلەی خۆی، چونکە دەزانێت ژنی گەنج خاوەن ٢ ناسنامەییە ١. ناسنامەێك وەك ژن کە پێشەنگی ژیان و کۆمەڵگاییە  ٢. یەکێکی تر وەك گەنجێك کە خاوەنی هێز زۆر و ئیرادەییە بۆ پێشەنگی کۆمەڵگا.

هەمیشە لە درێژای  مێژوودا مرۆڤایەتی بەرامبەر ناکۆکی و کێشەکانی ژیاندا بۆ پێکهێنانی ژیانێکی ئازاد و ئارام وە کۆمەڵگایەکی سەلامەتدا دەستی کردوە بە تێکۆشان و شۆڕشی کردووە، بۆییە ئێستاش کۆمەڵگا بەتایبەت کۆمەڵگای گەلی کورد لەناو قەیرانێکی ناسنامەی و کۆمەڵایەتی ژیان دەکات، بەگشتی کۆمەڵگا لە چاند و ئەخلاقی خۆی دوورخراوەتەوە.

هەر بۆییە لەسەر ئەم بنگانە دەبێت گەل بەتایبەت گەنجان دەست بە تێکۆشان بکەن و ببن بە پێشەنگی شۆڕەش، لەبەرامبەر زیهنیەتی دەسەڵاتدار و پیاوسالاری وە دەوڵەت تێکۆشان بکەن، دەبێت ژنانی گەنج لەبەرامبەر سیاسەتی کۆیلەکردن خاوەن هەڵوەست بن، دەبێت گەنجان مێژووی خۆیان بناسن و ببن بە خاوەنی ناسنامەی خۆیان، بگەڕێنەوە سەر  کۆك و ڕەیشەی ڕاستەقینەی خۆیان، هەر وەك دەڵێن: دار لەسەر کۆکی خۆی شین دەبێتەوە.

دەبێت بە بەشداربووینیان بۆ ناو ڕیزەکانی تێکۆشان و شۆڕش ببن بە وەڵامێکی هەرە ڕاست و بەهێز بۆ پوچەڵکردنەوەی سیاسەتەکانی  دەوڵەت، ئەوە پیشان بدەن کە گەنجان هێزی داینامێکی کۆمەڵگانە، خاوەنی ئیرادە و بڕیاری خۆیانن، دەتوانن کە خۆیان ژیانی یاخود کۆمەڵگا بەڕێوەببەن و ببن بە پێشەنگی شۆڕش و کۆمەڵگا، بۆ ژیانێکی ئازاد کە گەل و هەردوو ڕەگەز یەکسانن و خاوەنی ئیرادەێکی ئازادن.

بۆییە ئێمە وەکو یەکێتی ژنانی جوانی ڕۆژهەڵاتی کوردستان وە کۆمەڵگای جوانانی ڕۆژهەڵات بانگەوازیمان بۆ تەواوی گەنجانی ڕۆژهەڵاتی کوردستان و ئێران ئەوەییە کە بەشداری تەڤگەری ئازادیخوازی ببن و بەشداری شۆڕشی گەلان بکەن و ببن بە پێشەنگی شۆڕش  و تێکۆشان و گەلەکەیان، بۆ چارەسەرکردنی کێشەکانی  کۆمەڵگا و ئاواکردنی تاکی ئازاد و خاوەن ئیرادە، وە کۆمەڵگاێكی سەلامەت و هاوژیانێکی ئازاد.